PROGRAMA EDUCATIVO BOLSAS USA

Son convocadas 60 bolsas para cursar o Grao 11 en EE.UU.

1. Persoas empadroadas no Concello da Coruña dende o 1 de setembro de 2019.
2. Estar matriculada e cursando 4º de ESO no curso 2019-20.
3. Obter en 3º da ESO unha cualificación media de 6,5 puntos ou máis e non ter ningunha materia suspensa.
4. Obter en 3º da ESO unha cualificación de 7 puntos ou máis na materia de lingua estranxeira (inglés).

* Os estudantes seleccionados tamén deben ser admitidos pola organización americana patrocinadora do programa para o que se debe enviar un dossier completo no perfil do estudante. Entre os criterios de selección, é de especial interese, a necesidade de que o alumno solicitante non teña ningunha condición médica que lle impida vivir coas mascotas.

O prazo de presentación da documentación é do 18 de novembro de 2019 ao 10 de decembro de 2019 ás 14:00h. Poderá acordarse a ampliación do prazo para a presentación de solicitudes antes de que este finalice.

O alumnado que queira participar no programa deberá inscribirse en liña na web municipal www.coruna.gal/educacion a través da ficha específica. Unha vez feita a inscrición o sistema elabora un xustificante de confirmación que se debe de imprimir. Este xustificante ten un número de asignación que será o de referencia de cada expediente no proceso.

A documentación do expediente e a ficha de solicitude, asinada polo/a participante e a persoa ou persoas que teñen a patria potestade ou tutela sobre o/a participante, deberá presentarse nos rexistros municipais ou por calquera outro medio permitido pola Lei de Procedemento Administrativo.

• Fotocopia do DOI (carné de identidade, pasaporte…) do solicitante e dos pais ou representantes legais.
• Copia do resgardo da ficha de solicitude que se cubriu en liña asinado polo/a participante e a persoa ou persoas que teñan a patria potestade ou tutela sobre o/a participante.
• Certificado das cualificacións correspondentes a 3º da ESO do curso académico 2018-19
• Certificado de matrícula do curso 2019-20 onde conste nome da persoa solicitante, datos do centro e curso no que estea matriculada.
• Se for o caso, certificado expedido pola Xunta de Galicia ou organismo oficial competente na materia, acreditativo do grao de minusvalía do alumno/a e/ou doutro integrante da unidade familiar.
• Se for o caso, documentación acreditativa da existencia de malos tratos na unidade familiar de convivencia
• No caso de non se autorizar na solicitude a consulta de datos tributarios, certificacións expedidas pola Axencia Estatal de Administración Tributaria (en adiantes AEAT) das declaracións de IRPF individuais de ambos proxenitores ou conxunta, correspondentes ao exercicio 2018, emitidas e datadas no mes de setembro, ou posterior, de 2019.
• No suposto de familias monoparentais, achegarase a certificación de quen teña atribuída legalmente a garda e custodia da persoa participante.
  • A condición de familia monoparental acreditarase mediante fotocopia compulsada do libro de familia e/ ou resolución xudicial de separación, divorcio, nulidade ou adopción de medidas paterno-filiais, onde figure a contía da pensión de alimentos establecida en favor dos menores integrantes da unidade familiar.
• Cando se teña acordada pensión de alimentos, ou exista dereito a ela, deberá achegarse, xunto coa resolución xudicial máis recente que a estableza, unha declaración responsábel (anexo I) do/a proxenitor/a custodio/a indicando a contía percibida por tal concepto no ano 2018.
• No caso de que exista incumprimento total ou parcial do abono da pensión deberá xuntarse copia da admisión a trámite da demanda de execución ou da denuncia presentada.

Todos os estudantes deberán realizar a proba de inglés escrita ELTIS e superar unha proba oral na que avaliarán as súas habilidades de comprensión, vocabulario, gramática, habilidades de comunicación e fluidez.